Ranglar masalasida

Turli ranglar farqli hislar uyg`otadi. Och ranglar kayfiyatni ko`tarsa, to`qlarir jiddiy va shu bilan birga sokin muhit yaratadi. Ranglar e`tiboringizni xonaning ma’lum qismiga qaratadi, yoki uyg`unlashib, yaxlit go`zal ko`rinishni kasb etadi.

Tanlovingiz nimadan dalolat beradi?

Xonaga to`shaladigan gilam shakli haqida o`ylab ko`rish nega muhim? Nima sababdan gilam va jihozlar orasida ko`proq ochiq joy qoldirish kerak? Gilam xonaning “dog`i” bo`lib qolmasligining oldini qanday olish mumkin? Va nihoyat, gilam fe`l-atvoringiz haqida nimalarni oshkor etadi? Bularning barchasi haqida siz maqolaning oxirigacha o`qib bilib olasiz. Biroq, undan avval qaysi shakl sizga ko`proq yoqishini tanlashingiz kerak: yumaloqmi, to`rtburchakmi yoki kvadrat? Shundagina siz psixolog izohlarini xolis baholaysiz.

Gilam uyimizga fayz beradi, oshdan keyingi “nozikkina” jo`ssamizni, yoshlik sho`xliklari va keksalik injiqliklarini ko`taradi. Kayfiyat o`lgur o`zgaruvchan bo`lsa, bir bolangga jahl qilasan, yo xabarlarni ko`rayotib, televizorga qarata choyni sepvorging keladi.